Die almag van God

Almag van God

Ek is God die almagtige [Gen 17:1]

En God sê; . . .EK IS WAT EK IS [Gen 3:14].

Niemand het ooit God gesien nie [JOH 1:18]

God is Gees [Joh 4:24].

Alle dinge het deur Hom ontstaan, en sonder Hom het nie een ding ontstaan wat ontstaan het nie [Joh 1:3]. Voordat die berge gebore was en U die aarde en die wêreld voortgebring het, ja van ewigheid tot ewigheid is U God. Want duisend jaar is in  U oë soos die dag van gister as dit verbyskiet, en soos ‘n nagwaak [Ps 90:2, 4].

U ken my sit en my opstaan; U verstaan van ver my gedagte. U deurvors my gaan en my lê, en U is met al my weë goed bekend. Want daar is nog geen woord op my tong nie—of U Here, U ken dit geheel en al. Klim ek op na die hemel, U is daar; en maak ek die doderyk my bed, kyk, U is daar! . . . gaan ek by die uiteinde van die see woon, ook daar sou u hand my lei en u regterhand my vashou. [Ps 139:2, 3, 4, 8,9 10]

Ja, ook—die hemele vertel die eer van God, en die uitspansel verkondig die werk van sy hande (Ps. 19: 2). As ek die hemel aanskou, die werk van u vingers, die maan en die sterre wat U toeberei het—wat is die mens dat U aan hom dink, en die mensekind dat U hom besoek? (Ps  8: 4 & 5)

. . . laat ons dit najaag om die Here te ken; sy opgang is so seker soos die dagbreek, en Hy sal tot ons kom soos die reën, soos die laat reëns wat die aarde besproei [Hos 6:3]. Want so lief het God die wêreld gehad, dat Hy sy enig-gebore Seun gegee het, sodat elkeen wat in Hom glo nie verlore mag gaan nie, maar die ewige lewe kan hê.Ek het tot die Here gesê: U is my Here; vir my is daar geen goed bo u nie (Ps 16:2). Heilig, heilig, heilig is die Here God, die Almagtige, wat was en wat is en wat kom! [Openb 4:8].